REFLEXIÓNS
SOBRE O DESENVOLVEMENTO DE COMPETENCIAS COMUNICATIVAS E SOCIAIS
Partindo
das dúas sesións de Fernando Aguilar sobre competencias
comunicativas e habilidades sociais, dende o grupo 10 imos facer unha
reflexión sobre os seis puntos que consideramos máis interesantes e
a súa implicación na actividade de orientación laboral.
- COMUNICACIÓN VERBAL E NON VERBAL
O
investigador Albert Mehrabian descompuxo en porcentaxes o impacto
duhna mensaxe: o 7% é verbal, o 38% vocal (ton, matices e outras
características) e un 55% sinais e xestos. O compoñente verbal se
utiliza para comunicar información e o non verbal para comunicar
estados e actitudes persoais. Este investigador afirma que nunha
conversa cara a cara o compoñente verbal é
dun 35% e máis do 65% é comunicación
non verbal.
Esta
información é de suma importancia na orientación laboral, tanto no
traballo diario do/a orientador/a, que o ten
que ter en conta na súa relación comunicativa cos usuarios/as,
como na transmisión destes conceptos aos
usuarios, para que estes os teñan en conta á
hora de enfrontarse, entre outras situacións, ás entrevistas de
traballo.
- FALTA DE COMUNICACIÓN.
Na
actualidade vivimos na era da información, na era de internet onde a
información chega a todas partes e podemos acceder a ela cun simple
clic, no século XXI onde a información é poder. Pero tamén é
habitual, escoitar a expresión “demasiada
información” “saturados de información” o o termo o que
fixemos referencia no curso estamos “infoxicados”.
Ë certo.
O
díficil é saber qué facer, con toda esa información como
xestionala, como clasificar o interesante do que non o é, do útil,
do que non , do real do irreal.
Curioso
é o mesmo tempo, que a era da información sexa tamén o século
onde máis se fala da falta de comunicación. Y é que non
sabemos escoitar, non, non
sabemos escoitar, nun mundo que se agocha nas
redes sociais e no que cada vez somos máis individualistas,
pensando no beneficio propio, onde se traballa mellor só que en
equipo, porque nos falla comunicación. Non comunicamos, non
falamos, falla a comunicación nas empresas, nos cursos de formación,
nas parellas, nas familias, na política, na rede. Malinterpretamos
a comunicación verbal e a non verbal, malinterpretamos os wasaps
(cantos conflictos se solucionarían por unha
boa conversa en persoa) y e que chegamos a un punto no que se rompen
relacións por wasap.
Definitivamente non comunicamos, non
falamos,decía Fernando Aguilar, na súa ponencia, do que nos custaba
pedir disculpas, perdón, é canto custa
recoñecer que te equivocas, ou recoñecer o traballo de outros cun
bo xesto, canto custa unha sorrisa, a boa educación, un gracias, un
desculpe. Canto custa ser sociable, amigable,
neste mundo cada vez máis social na era dixital ..e cada máis
individual no mundo real.
Cantos de vos .. parades na rúa con alguén que está
tirada ou preguntar simplemente ¿está ben?Cantos sacades unha
conversa con alguén extrano.. y cantos escoitamos realmente ao
usuario que ben na procura de axuda e orientación laboral,
escoitamos realmente ou nos limitamos a facer o noso traballo.
- LÍDERES. QUE PENSAS NACE O SE FAI.
O
tema é complexo para debater e de dífícil consenso, así que nesta
ocasión reflexionamos a través dun vídeo
- EDUCACIÓN EMOCIONAL
Os
contidos da educación emocional teñen o
propósito de lograr uns obxectivos. Podemos
dicir, que para aumentar a felicidade o que se pode facer é:
mellorar as relacións sociais, atopar un traballo que sexa
intrínsecamente satisfactorio, manter unha boa relación cos
compañeiros de traballo, aproveitar o tempo libre de maneira
satisfactoria e por suposto facer o posible para manter a saúde.
Unha
orientación profesional que considere á persoa na súa globalidade
e complexidade pode ser un factor importante na satisfacción
profesional.
As
sesións de Fernando Aguilar, non foron mais que leccións
maxistrais de intelixencia emocional onde a través de breves relatos
explicou como recoñecer as propias emocións, o control das mesmas e
o recoñecemento das emocións dos demais, ao mais puro estilo de
Goleman, autor citado polo mesmo.
Destacar
a modo de relatos os "26 contos para
pensar" de Jorge Bucay.
- MOTIVACIÓN E AUTOESTIMA
Establecer
e perseguir obxectivos profesionais e laborais é o mellor camiño,
para atopar a motivación. Unha persoa que
non se propón obxectivos ou metas profesionais é de por si, unha
persoa desmotivada e, a miúdo desanimada.
Os
pensamentos e emocións non influirán se simplemente fas o que te
propuseches facer.
Se
sabes buscar emprego, terás mais ganas de buscalo.
Coexisten
motivacións diferentes que entran en conflito en cada proceso
orientador pero algunha terá preeminencia.
Penso
que ao orientador se lle debería esixir que deslinde en cada caso as
causas da falla de motivación, para comprender se a desgana é
consecuencia da falla de valores sociais ou de ideais que impulsen á
conduta cara os logros. Se deberá de tratar de observar,
comprender e aclarar os problemas e conflitos que ten que resolver o
orientado, xa sexan persoais, psicolóxicos,
ou resultado do entorno social ou a situación familiar.
- O COACHING DE MODA
Podemos
definir o coaching como unha ferramenta que
serve para transportar a unha persoa de onde está a onde quere
estar, acompañala nun proceso que esixe cambio e que debe ser
asumido de xeito responsable.
O
concepto de coaching non é nada novo,
podemos remontarnos a idade antiga cando Sócrates empregaba as
preguntas reveladoras para orientar aos seus discípulos á atopar a
verdade (método mayeútico).
Nestes
diálogos socráticos baseados en preguntas e resposta atopamos un
claro antecedente do coaching.
Na
actualidade podemos diferenciar a escola americana, onde cabe
destacar a Thomas Leonard, que fai fincapé en mellorar a
autoestima, motivar a acción e poñer a probas as persoas a través
de novos desafíos.
A
escola Europea con T. Gallwey e J. Whitmore que destacan o
potencial interior das persoas e a elección dunha vida mellor. Tamén
é preciso mencionar ao coaching Ontolóxico de R. Echevarria, que
destaca a importancia do adestramento para o cambio, interésase polo
modo de ser das persoas e emprega ferramentas comunicativas.
Na
orientación laboral estáse a empregar o coaching para axudar as
persoas na procura de emprego; implícase ao
desempregado no seu proceso de definición do obxectivo profesional.
O
coach acompaña ao desempregado/a no seu camiño na procura de
emprego tendo en conta o seu ánimo, a súa opinión, intereses ou
expectativas.
É
o propio demandante quen van ir descubrindo a necesidade que ten de
cambio para conseguir o seu obxectivo, o coach debe ter en conta que
este cambio require dun tempo, que vai variar dunhas persoas a
outras. Neste proceso de coaching empréganse dúas ferramentas
fundamentais:
- Técnicas de escoita
- Formulación de preguntas
Un
aspecto fundamental é crear un clima de confianza, sintonizar co
noso usuario, escoitar activamente, non prexulgar e poñernos sempre
no lado do outro/a. As preguntas que fagamos teñen que ser moi
claras e concisas e que lle sirvan o usuario para iniciar un proceso
de autoreflexión.
Durante
as sesións que poden ser individuais ou grupais teremos que definir
os seguintes aspectos:
- Identificar o obxectivo: aceptar a necesidade de cambio.
- Identificar a realidade : valorar as diferentes opcións que teño.
- Xerar alternativas: seleccionar aquelas opcións máis vantaxosas.
- Crear un plan de acción: qué vou facer, cómo o vou facer e cando
- Facer o seguimento: avaliación do proceso
Nestes
últimos anos parece que a solución aos problemas laborais,
persoais, organizativos etc... teñen un modelo, o coaching, tanto
nos xornais como na rede aparecen unha multitude de empresas adicadas
ao coaching. Os problemas que teñen a persoas pasan por solucións
non so persoais, tamén inflúe moito o contexto social no que se
desenvolven e facer desta técnica a única forma de acadar a
felicidade e o éxito persoal é as veces un tanto enganosa. Ben
certo é que ter unha actitude positiva ante as adversidades é unha
boa forma de afrontar os conflitos pero non a única.
Non podemos esquecer que moitos problemas teñen unha solución
global e que a sociedade ten que dar respostas conxuntas para
conseguir un cambio.
https://storify.com/mariavieitez142/comunicacion-habilidades-sociales-y?utm_source=embed_header
https://storify.com/mariavieitez142/comunicacion-habilidades-sociales-y?utm_source=embed_header
No hay comentarios:
Publicar un comentario